Məşhur marketoloq Teymur Məmmədovun "Reklamda kreativlik" kitabının təqdimat və imza mərasimi keçirilib
Azərbaycan marketinq tarixində neyminq, kopirayterlik kimi anlayışların öncüsü, bir çox reklamların, şüarların və sloqanların müəllifi Teymur Məmmədovun qələmə aldığı "Reklamda kreativlik" kitabının təqdimat və imza mərasimi keçirilib.
TEAS Press tərəfindən nəşr edilmiş kitab "Kosmonavtika Günü"ndə, 12 apreldə Libraff mağazalar şəbəkəsinin "Park Akademiya" filialında öz oxucularına təqdim edilib.
Tədbir əyləncəli və interaktiv, hədiyyəli oyunlar və viktorinalarla keçib.
Görüşdə iştirakçılar müəlliflə birgə reklamların keçmişi, bu günü və gələcəyinə səyahət eləyib, sloqanlar hazırladılar, bir cümləlik hekayələr yazdılar, hətta, beynəlxalq kosmonavtika günündə keçirilən bu tədbirdə xəyali bir raketə ad da qoyublar.
Sonda isə müəllif oxucularla səmimi söhbətlər edib kitablar imzalayıb.
- Bakı, Badamdar qəs., Mikayıl Müşfiq küç. 1c (Badamdar Estates)
- +994-50-290-44-96
- B.e.-B. 9.00 - 18.00
- online@libraff.az
- Xəritədə bax
© 2017 - 2026 Libraff.