“Fərqli dostumuz Əmir” kitabının təqdimat mərasimi keçirilib
“Libraff” kitab mağazasının “Park Akademiya” filialında Aysel Ağayevanın “Fərqli dostumuz Əmir” kitabının təqdimatı keçirilib. Bədii hekayə vasitəsilə müəllif inklüzivlik problemi və xüsusi qayğıya ehtiyacı olan uşaqlardan danışır.
Tanınmış bloger Aysel Ağayeva (Asolia) xüsusi qayğıya ehtiyacı olan uşaqların valideynləri üçün görüş və mənəvi tədbirlərin təşkilatçısıdır.
“Mənə tez-tez normotipik uşaqların anaları olan izləyicilərim müraciət edərək soruşurdular ki, xüsusi qayğıya ehtiyacı olan uşaqlar və onlarla düzgün davranış qaydalarını öz övladlarına sadə dillə necə izah etsinlər. Mən müxtəlif sindromlu uşaqlardan və fərqli situasiyalardan bəhs edən kitablar silsiləsi planlaşdırıram. İlk qəhrəman fiziki məhdudiyyətli uşaqdır”, – deyə Aysel Ağayeva öz çıxışında bildirib.
Teas Press nəşriyyatının uşaqlar üçün nəzərdə tutulan “3 alma” brendi tərəfindən nəşr edilən kitab ictimaiyyət tərəfindən də böyük maraqla qarşılanıb.
Tədbirdə çıxış edən qonaqlar kitabın əhəmiyyətindən, inklüziv təbəqədən olan şəxslərə verəcəyi töhfədən danışıblar.
Təqdimat mərasimi müəllifin kitabları imzalaması və xatirə fotoşəkillərinin çəkilməsi ilə yekunlaşıb.
- Bakı, Badamdar qəs., Mikayıl Müşfiq küç. 1c (Badamdar Estates)
- +994-50-290-44-96
- B.e.-B. 9.00 - 18.00
- online@libraff.az
- Xəritədə bax
© 2017 - 2026 Libraff.