"Doğma mahnılar" kitabının müəllifi Aysel Zahidqızının tədimatında balacalar üçün musiqili nağıl saatı keçirilib
Libraff kitab mağazaları şəbəkəsinin dəstəyi və “Sübhnur Təhsil Mərkəzi”nin təşkilatçılığı ilə “Musiqili nağıl saatı” adlı xüsusi tədbir keçirilib.
Tədbir çərçivəsində uşaqlar Aysel Zahidqızının müəllifi olduğu “Doğma mahnılar” kitabından mahnılar ifa edib, skripka və pianoda musiqi nömrələri səsləndiriblər.
Müəllif isə balacalar üçün nağıl oxuyub və pianoda mahnılar ifa edərək tədbirə xüsusi rəng qatıb. “Musiqili nağıl saatı” 8 Mart – Beynəlxalq Qadınlar Gününə həsr olunub. Proqram boyunca qadınlara ithaf olunan mahnılar səsləndirilib, şeirlər söylənilib.
Tədbirin əsas məqsədi uşaqlarda kitab və musiqiyə marağı artırmaq, eyni zamanda 8 Mart münasibətilə qadınlara həsr olunan dəyərləri balacalara incəsənət vasitəsilə çatdırmaq olub.
Tədbirin sonunda iştirakçılarla xatirə fotoları çəkilib.
- Bakı, Badamdar qəs., Mikayıl Müşfiq küç. 1c (Badamdar Estates)
- +994-50-290-44-96
- B.e.-B. 9.00 - 18.00
- online@libraff.az
- Xəritədə bax
© 2017 - 2026 Libraff.