Məşhur triller yazarı Vulf Dorn Bakıda
Milyonlarla oxucunun heyranlıqla izlədiyi, psixoloji triller janrının seçilən simalarından biri olan məşhur alman yazıçısı Vulf Dorn Bakıya səfəri çərçivəsində “LIBRAFF” kitab mağazalar şəbəkəsinin təşkil etdiyi iki möhtəşəm tədbirdə iştirak edib. Yazıçının ölkəmizə səfəri yerli ədəbiyyatsevərlər arasında böyük rezonans doğurub və hər iki görüş izdihamla yadda qalıb.
22 noyabr 2025-ci il tarixində Vulf Dorn ilə ilk imza günü Gənclik Mall filialında baş tutub. Tədbirə müxtəlif yaş qruplarından olan çoxsaylı qonaqlar qatılıb, xüsusilə də gənclərin yüksək marağı diqqəti cəlb edib. Oxucular yazıçı ilə fərdi ünsiyyət qurmaq, sevimli kitablarını imzalatmaq və yazıçının yaradıcılığı haqqında qısa söhbətlər etmək imkanı əldə ediblər. İmza günü boyu mağazada böyük izdiham yaşanıb və tədbir səmimi atmosferi ilə seçilib.
Səfərin ikinci günü, 23 noyabrda isə Vulf Dorn Libraff Park Akademiya filialında daha interaktiv formatda oxucularla görüşüb. Bu dəfə tədbir müzakirə və sual-cavab şəklində təşkil olunub. İştirakçılar yazıçıya onun son əsəri olan “Travma” romanı barədə diqqətçəkən və düşünülmüş suallar ünvanlayıblar. Vulf Dorn həm romanın yaranma prosesi, həm də onu ilhamlandıran psixoloji mövzular barədə geniş informasiya verib. Yazıçının səmimi, açıq və dinləyicilərlə yaxın ünsiyyətdə olması tədbirin daha da maraqlı keçməsini təmin edib.
Hər iki görüş yüksək təşkilatçılıqla həyata keçirilib və oxucular tərəfindən böyük məmnunluqla qarşılanıb. Tədbirdə iştirak edənlər qeyd ediblər ki, dünya şöhrətli bir müəllifi canlı şəkildə dinləmək, onun yaradıcılıq prosesinə birbaşa şahid olmaq onlar üçün unudulmaz təcrübə olub.
“LIBRAFF” komandası, oxucuların belə tədbirlərə göstərdiyi yüksək marağın onları daha da ruhlandırdığını vurğulayaraq, gələcəkdə də məşhur yerli və xarici yazıçılarla görüşlərin, təqdimatların və imza günlərinin davam etdiriləcəyini bildirib. Şirkət oxuculara yalnız kitab deyil, həm də zəngin ədəbi təcrübə təqdim etməyi özünə əsas məqsəd seçir.
- Bakı, Badamdar qəs., Mikayıl Müşfiq küç. 1c (Badamdar Estates)
- +994-50-290-44-96
- Пн-Вс 9.00 - 18.00
- online@libraff.az
- Посмотреть на карте
© 2017 - 2026 Libraff.