Закажите сейчас — доставим сегодня. *

“LIBRAFF” , TEAS PRESS və “3 alma” XII Bakı Beynəlxalq Kitab Sərgisində uğurla iştirak edib

Октябрь 27, 2026
“LIBRAFF” , TEAS PRESS və “3 alma” XII Bakı Beynəlxalq Kitab Sərgisində uğurla iştirak edib

21–27 oktyabr 2026-cı il tarixlərində Bakı Ekspo Mərkəzində XII Bakı Beynəlxalq Kitab Sərgisi keçirilib. Azərbaycan Respublikasının Mədəniyyət Nazirliyinin təşkilatçılığı ilə baş tutan sərgi bu il “Həyat ekrandan böyükdür: bir uşaq, bir kitab, bir gerçək dünya” devizi altında kitabsevərləri bir araya gətirib.

Sərgidə “LIBRAFF” , TEAS PRESS Nəşriyyat Evi və “3 alma” iştirak edib.

Burada ziyarətçilərə müxtəlif janrlarda kitablar, yeni nəşrlər və xüsusi endirimlər təqdim olunub. Tanınmış yazıçı və müəlliflərlə görüşlər, imza saatları, kitab təqdimatları və uşaqlar üçün maraqlı tədbirlər təşkil edilib.

Sərginin ilk günü Arzu Cəfərova, Xalq yazıçısı Çingiz Abdullayev və Aysel Zahidqızı ilə görüş və imza saatları keçirilib. Eləcə də “Füzuli qəzəllərindən seçmələr” kitabının təqdimatı baş tutub.

22 oktyabr tarixində Mürşüd İsmayılzadə, Fidan Tağısoy və Elçin Hami oxucularla görüşüblər. Gün ərzində Zəhra Bədəlbəyli və Səid Riadın iştirakı ilə görüş və kitab təqdimatı təşkil olunub.

23 oktyabr tarixində Xalq yazıçısı Anar, Aysel Ağayeva, Elçin Əliyev və Arzu Cəfərova ilə görüş və imza saatları keçirilib. Oxucular sevdikləri müəlliflərlə yaxından ünsiyyət qurmaq və kitablarını imzalatmaq imkanı əldə ediblər.

24 oktyabr tarixində Natiq Məmmədli, Reyhan Yusifqızı, İnqilab Şahbazov, Xülya Sabirli və Əşrəf Ərən ilə görüşlər baş tutub. Günün maraqlı tədbirlərindən biri isə “Mən, Lalə, bir də Şerlok Holms” kitabının müəllifləri və serial heyətinin iştirakı ilə keçirilən görüş və imza saatı olub.

25 oktyabr tarixində Zahid Xəlil, Vasif Zahidov, Raqif Raufoğlu, Elmira Aslanova və Elxan Elatlı oxucularla bir araya gəliblər. Müəlliflərlə keçirilən görüş və imza saatları sərgi proqramının davamı olub.

26 oktyabr tarixində Əziz Sultan, Teymur Məmmədov və Arzu Cəfərova ilə görüş və imza saatları təşkil edilib. Balaca kitabsevərlər üçün isə “Cumbulu bağçaya gedir” kitabı əsasında nağıl saatı keçirilib.

Sərgi müddətində “LIBRAFF”, TEAS PRESS Nəşriyyat Evi  və “3 alma” stendləri müxtəlif yaş qruplarından olan oxucuları bir araya gətirib. Ziyarətçilər yeni kitablarla tanış olmaq, maraq dairələrinə uyğun nəşrlər seçmək və sərgiyə özəl endirimlərdən yararlanmaq imkanı əldə ediblər. 

* Действуют условия доставки. Подробнее