Bənövşə Məmmədovanın "Təhsildə və cəmiyyətdə mediasiya" kitabının təqdimatı keçirilib
LIBRAFF mağazalar şəbəkəsi mediasiya Şurasının üzvü, Azərbaycan Dillər Universitetinin Tərcümə fakültəsinin dekanı, filologiya elmləri doktoru, prof. Bənövşə Məmmədovanın müəllifi olduğu "Təhsildə və cəmiyyətdə mediasiya: Nəzəri əsaslar və təcrübi yanaşmalar” kitabının imza gününə ev sahibliyi edib.
İmza günündə Mediasiya Şurası İdarə Heyətinin sədri Nadir Adilov, Bakı Dövlət Universitetinin Sosial iş fakültəsinin dekanı, dosent Üzeyir Şəfiyev, Fəlsəfə elmləri doktoru, professor Məmməd Əliyev, Pedaqogika elmləri doktoru, professor Hikmət Əlizadə, Azərbaycan Respublikası Milli Məclisinin deputatı Ceyhun Məmmədov, Qadın Vəkillər Alyansının sədri Dilarə Əfrasiyabova, məktəb direktoru Dilarə Cəbrayılova, Dövlət Komitəsinin aparat rəhbəri Ceyran Rəhmətullayeva, təhsil eksperti Etibar Əliyev, Nərimanov Rayon Məhkəməsinin hakimi Xalidə Əlisoy, mediasiya təşkilatı rəhbərləri və mediatorlar iştirak edib.
Bənövşə Məmmədova çıxış edərək “Təhsildə və cəmiyyətdə mediasiya: Nəzəri əsaslar və təcrübi yanaşmalar” kitabının əsas ağırlıq mərkəzinin təhsil sahəsi olduğunu və kitabda orta və ali təhsil müəssisələrində mediasiyanın tətbiqi, müəllim-tələbə münasibətlərinin tənzimlənməsi, müəllimlərarası əməkdaşlıq, məktəb rəhbərliyi ilə valideynlər arasında kommunikasiya, eləcə də inklüziv təhsildə - xüsusi qayğıya ehtiyacı olan uşaqlarla işdə mediasiyanın rolunun geniş şərh olunduğunu deyib.
Sonda kitablar iştirakçılara təqdim olunub.
- Bakı, Badamdar qəs., Mikayıl Müşfiq küç. 1c (Badamdar Estates)
- +994-50-290-44-96
- Пн-Вс 9.00 - 18.00
- online@libraff.az
- Посмотреть на карте
© 2017 - 2026 Libraff.