Aysel Zahidqızının müəllifi olduğu "Aşıq Ələsgər. Sarıköynək" kitabının təntənəli təqdimat mərasimi keçirilib
Ustad aşıq Dədə Ələsgərin yaradıcılığını əks etdirən yeniyetmələr üçün “Aşıq Ələsgər. Sarıköynək” adlı yeni kitabın təqdimatı olub.
Tədbirdə çıxış edən və kitabı nəşrə hazırlayan Dədə Ələsgərin kötücəsi Aysel Zahidqızı “Aşıq Ələsgər. Sarıköynək” kitabı barədə məlumat verib. O diqqətə çatdırıb ki, kitab 12 yaşdan yuxarı məktəblilər üçün nəzərdə tutulan ilk xüsusi topludur. “Layihənin əsas məqsədi aşıq sənətini daha müasir tərtibatda kitab halında təqdim etməklə azyaşlı oxucularda bu sənətə maraq oyatmaqdır. Nəşrdə yer alan 13 müxtəlif bölmə istedadlı rəssam Orxan Qarayev tərəfindən hazırlanıb, bir-birindən maraqlı məna və obrazları əks etdirən rəsmlərlə tamamlanıb.
Kitabın üz qabığı da mücərrəd üslubda hazırlanaraq Aşıq Ələsgərin şəxsiyyətini və yaradıcılığını simvolik şəkildə təcəssüm etdirir. Kitab “TEAS Press” nəşriyyat evinin “3 alma” uşaq ədəbiyyatı bölməsi tərəfindən nəşrə hazırlanıb və Türkiyədə çap olunub”, - deyə A.Zahidqızı əlavə edib.
Kitabın “Ön söz” müəlliflərindən biri Azərbaycan Milli Elmlər Akademiyasının (AMEA) Nizami Gəncəvi adına Ədəbiyyat İnstitutunun əməkdaşı filologiya üzrə fəlsəfə doktoru Orxan İsayev, “3 alma” uşaq ədəbiyyatının baş redaktoru Arzu Cəfərova və digər çıxışçılar kitab barədə fikirlərini bölüşüblər.
Tədbirdə aşıq sənətinə məxsus musiqi nömrələri səsləndirilib.
- Bakı, Badamdar qəs., Mikayıl Müşfiq küç. 1c (Badamdar Estates)
- +994-50-290-44-96
- Пн-Вс 9.00 - 18.00
- online@libraff.az
- Посмотреть на карте
© 2017 - 2026 Libraff.