19/05/2018“Cümhuriyyət sərgisi Gəncədə”

Mayın 19-da Gəncədə “LİBRAFF” kitab mağazalar şəbəkəsinin təşkilatçılığı ilə keçirilən imza günündə tədqiqatçı-jurnalist Dilqəm Əhmədin qələmindən çıxan “Fərqlilər” və “Mühacirlərin dönüşü” kitabları şəhər ictimaiyyətinə, oxuculara təqdim edilib. İmza günündə, həmçinin müəllifin Azərbaycan Cümhuriyyəti və mühacirət tarixi ilə bağlı uzun illər ərzində apardığı araşdırmalar zamanı topladığı orijinal materiallar, nadir foto şəkillər və sənədlər sərgilənib. Tədbirdə Türkiyə Cümhuriyyətinin Gəncə şəhərindəki Baş Konsulluğu, Azərbaycan Yazışılar Birliyinin Gəncə şöbəsinin, Cümhuriyyət muzeyinin əməkdaşları, şəhər ictimaiyyəti, ali məktəblərin müəllim və tələbə heyəti , KİV nümayəndələri iştirak ediblər. 

Tədbirdə bu il Azərbaycan Xalq Cümhuriyyətinin (AXC) yaranmasının 100-cü ildönümü olduğu, bu münasibətlə də “LİBRAFF” tərəfindən tədbirlər planının hazırlandığı diqqətə çatdırılıb. Azərbaycan Prezidenti İlham Əliyevin Azərbaycan Xalq Cümhuriyyətinin 100 illiyinin layiqincə keçirilməsi ilə bağlı imzaladığı Sərəncamın əhəmiyyəti vurğulanıb.

Sonra Dilqəm Əhməd Cümhuriyyət tarixi və topladığı materiallar haqqında oxuculara ətraflı məlumat verib. O, bildirib ki, Gəncədə Cümhuriyyət sərgisi və imza mərasimi keçirmək həm də mənəvi borcdur: “Gəncə Yusifbəylilərin, Rəfibəylilərin, Şeyxzamanlıların, Ziyadxanlıların, Pişnamazzadələrin, Xasməhəmmədovların yurdudur. Cümhuriyyətimizin qurucularının çoxu bu torpaqda yetişib. Ona görə də burada sərgi və imza günü keçirmək bizim üçün şərəfdir”.

Müəllif sərgisi ilə bağlı oxuculara məlumat verib: “Mən bu materialları Türkiyənin İstanbul şəhərindən əldə etmişəm. Kolleksiyada cümhuriyyətimizin banisi Məhəmməd Əmin Rəsulzadənin 5 fotoşəkli, 3 məktubu, imzalı kitabı, eləcə də Əlimərdan bəy Topçubaşova, Miryaqub Mirmehdiyevə, Abbasqulu Kazımzadəyə, Mirzəbala Məhəmmədzadəyə, Əhməd bəy Ağaoğluna aid orijinal fotoşəkillər, müxtəlif materiallar var. Bu materiallar hazırda üç kitab şəklində oxuculara təqdim edilib”.
girl

Mağazalar şəbəkəmiz

Hazırda Bakı və Gəncə şəhərlərində 7 mağazamız fəaliyyət göstərir və tezliklə 3 yeni mağazamızla xidmətinizdə olacağıq.

XƏBƏRLƏRİMİZƏ ABUNƏ OL